کراچی میں مزید بارش کی پیشگوئی، محکمہ موسمیات کا اہم بیان سامنے آگیا

محکمہ موسمیات کے مطابق کراچی میں اس ہفتے بارش کا کوئی امکان نہیں، تاہم شہر کا موسم آئندہ چند روز تک مرطوب اور جزوی سے مکمل ابر آلود رہنے کا امکان ہے۔ صبح و رات کے اوقات میں بوندا باندی متوقع ہے اور کراچی کا مطلع مجموعی طور پر ابر آلود اور مرطوب رہے گا۔بیان کے مطابق سمندری ہوائیں بند…

مغرب جنوب مغربی سمت سے 7 کلومیٹر فی گھنٹہ کی رفتار سے ہوائیں چل رہی ہیں، آج زیادہ سے زیادہ درجہ حرارت 34 ڈگری سینٹی گریڈ تک جانے کا امکان ہے۔

 بارش برسانے والا سسٹم پاکستان میں داخل ہوگیا، جس کے پیش نظر محکمہ موسمیات نے بارشوں کے حوالے سے الرٹ جاری کردیا۔

تفصیلات کے مطابق محکمہ موسمیات کی جانب سے کہا گیا ہے کہ بارش برسانے والا سسٹم بلوچستان، خیبر پختونخوا، شمال مشرقی پنجاب اور کشمیر میں داخل کیا۔

جس کے باعث اگلے 2 سے 4 گھنٹوں کے دوران قلات، خضدار، خاران، آواران، پنجگور اور گوادر میں بارش کا امکان ہے۔

محکمہ موسمیات کا کہنا ہے کہ کوہلو، ڈیرہ بگٹی، قلعہ سیف اللہ، بارکھان اور ڈیرہ غازی خان سمیت قریبی پہاڑی علاقوں میں بھی بارش متوقع ہے۔

اسی طرح خیبر پختونخوا کے مختلف اضلاع میں تیز ہواؤں کے ساتھ بارش کی پیشگوئی کی گئی ہے، جبکہ مالاکنڈ، سوات، بونیر اور دیر میں گرج چمک کے ساتھ بارش کا امکان ظاہر کیا گیا ہے۔

محکمہ موسمیات نے عوام اور سیاحوں کو ہدایت کی ہے کہ وہ خراب موسم کے دوران احتیاطی تدابیر اختیار کریں تاکہ کسی بھی ناخوشگوار صورتحال سے محفوظ رہا جاسکے۔

یاد رہے این ڈی ایم اے کے الرٹ میں کہا گیا تھا کہ 30 اگست تک ملک کے مختلف حصوں میں شدید بارشوں، لینڈ سلائیڈنگ اور سیلاب کا خدشہ ہے۔