بلوچستان کے ضلع کیچ میں آئی ای ڈی دھماکے میں کیپٹن سمیت پانچ بہادر جوان شہید ہوگئے، جبکہ کلیئرنس آپریشن کے دوران بھارتی پراکسی نیٹ ورک "فتنہ الہندستان" کے پانچ دہشت گرد ہلاک کردیئے گئے۔ پاک فوج کے شعبہ تعلقات عامہ (آئی ایس پی آر) کے مطابق 15 ستمبر کو ضلع کیچ کے علاقے شیر بندی میں سیکیورٹی فورسز کی…
اس دھماکے میں کیپٹن وقار احمد، نائیک اسمت اللہ، لانس نائیک جنید احمد، خان محمد اور سپاہی محمد ظہور شہید ہوگئے۔
آئی ایس پی آر نے بتایا کہ کلیئرنس آپریشن کے دوران دہشت گردوں کو مکمل طور پر ختم کردیا گیا۔
اور علاقے میں سرچ اور سینیٹائزیشن آپریشن جاری ہے تاکہ کسی بھی دیگر بھارتی سرپرست دہشت گرد کو انجام تک پہنچایا جا سکے۔
پاک فوج نے اس حملے اور دہشت گردانہ کارروائیوں پر فوری ردعمل دیتے ہوئے علاقے میں سیکیورٹی سخت کردی ہے۔
آئی ایس پی آر کا کہنا ہے کہ شہداء کی عظیم قربانیاں ہمارے عزم کو مزید مضبوط کرتی ہیں۔
ترجمان پاک فوج نے کہا کہ سیکیورٹی فورسز، پوری قوم کے ساتھ شانہ بشانہ، ملک کو بھارتی سرپرستی میں ہونے والی دہشت گردی سے مکمل طور پر پاک کرنے تک اپنی جدوجہد جاری رکھیں گی۔
0 تبصرے