پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل نے لاہور، قصور، ملتان اور جلال پور پیر والا کے متاثرہ علاقوں کا فضائی جائزہ بھی لیا۔
اس موقع پر انہوں نے قصور سیکٹر اور جلال پور پیر والا میں قائم فلڈ ریلیف کیمپوں کا دورہ کیا، جہاں ان کا استقبال لاہور اور ملتان کور کے کور کمانڈرز نے کیا۔
فیلڈ مارشل سید عاصم منیر نے پاک فوج اور سول انتظامیہ کے ریسکیو کیے گئے متاثرین سے ملاقات کی اور امدادی سرگرمیوں میں مصروف فوجی جوانوں، ریسکیو 1122 کے اہلکاروں اور پولیس حکام سے بھی گفتگو کی۔
انہوں نے مشکل حالات میں قوم کی خدمت کرنے والے جوانوں، ریسکیو ورکرز اور پولیس اہلکاروں کے بلند حوصلے، عملی تیاری اور عزم کو سراہا۔
متاثرین نے نازک وقت پر بروقت مدد فراہم کرنے پر پاک فوج کا دلی شکریہ ادا کیا۔
فیلڈ مارشل سید عاصم منیر نے کہا کہ ریاست ہر سال قیمتی جانوں اور املاک کے نقصان کی متحمل نہیں ہو سکتی۔
فیلڈ مارشل سید عاصم منیر نے اچھے طرزِ حکمرانی اور عوامی شمولیت پر مبنی ترقی کی اہمیت پر زور دیتے ہوئے کہا کہ عوام کو سیلاب کی تباہ کاریوں سے بچانے کے لیے درکار تمام اقدامات بشمول انفرااسٹرکچر ڈیولپمنٹ کو تیز کرنا ہوگا۔
0 تبصرے