قومی اسمبلی کے حلقوں کے مکمل نتائج
ہری پور کے حلقہ این اے 18 میں ضمنی انتخابات کا سب سے بڑا اپ سیٹ دیکھنے میں آیا جہاں پی ٹی آئی کی حمایت یافتہ امیدوار شہرناز عمر ایوب کو 43,776 ووٹوں سے شکست ہوئی۔
غیر حتمی غیر سرکاری نتائج کے مطابق مسلم لیگ ن کے بابر نواز خان نے 1,63,996 ووٹ حاصل کیے، جبکہ شہرناز عمر ایوب 1,20,220 ووٹ لے سکیں۔
یہ نشست سابق قائدِ حزبِ اختلاف عمر ایوب خان کی نااہلی کے باعث خالی ہوئی تھی۔ انہیں 9 مئی ہنگامہ آرائی کیس میں سزا سنائی گئی تھی۔
NA-129 لاہور
حلقہ این اے 129 لاہور کے تمام 334 پولنگ اسٹیشنز کے غیرحتمی غیر سرکاری نتائج کے مطابق مسلم لیگ ن کے حافظ میاں محمد نعمان نے 63,441 ووٹ لے کر برتری حاصل کی۔
پی ٹی آئی کے حمایت یافتہ آزاد امیدوار ارسلان احمد 29,099 ووٹوں کے ساتھ دوسرے نمبر پر رہے۔
یہ نشست پی ٹی آئی کے میاں اظہر کے انتقال کے بعد خالی ہوئی تھی۔
NA-185 ڈیرہ غازی خان
حلقہ این اے 185 ڈیرہ غازی خان-2 میں بھی مسلم لیگ ن نے میدان مار لیا۔
غیرحتمی غیرسرکاری نتائج کے مطابق ن لیگ کے محمود قادر خان نے 82,416 ووٹ حاصل کیے جبکہ پیپلز پارٹی کے دوست محمد کھوسہ 49,262 ووٹوں کے ساتھ دوسرے نمبر پر رہے۔
یہ نشست پی ٹی آئی کی زرتاج گُل کی نااہلی کے باعث خالی ہوئی تھی۔
NA-143 ساہیوال
حلقہ این اے 143 ساہیوال-3 کے غیر حتمی غیر سرکاری نتائج کے مطابق مسلم لیگ ن کے محمد طفیل جٹ نے 1,36,223 ووٹ حاصل کر کے کامیابی حاصل کی۔
آزاد امیدوار ضرار اکبر چوہدری 13,220 ووٹ لے کر دوسرے نمبر پر رہے۔
یہ نشست پی ٹی آئی کے حسن نواز کی نااہلی سے خالی ہوئی تھی۔
این اے 104 فیصل آباد
حلقہ این اے 104 فیصل آباد 10 کی نشست بھی ن لیگ کے حصے میں آئی جہاں غیر حتمی غیر سرکاری نتائج کے تحت ن لیگ کے دانیال احمد 52 ہزار 791 ووٹ لے کر کامیاب قرار پائے جبکہ آزاد امیدوار رانا عدنان
جاوید 19 ہزار 262 ووٹ لیکر دوسرے نمبر پر رہے۔
این اے 96 فیصل آباد
حلقہ این اے 96 فیصل آباد کے تمام 345 پولنگ اسٹیشنز کے نتائج آگئے، غیر حتمی غیر سرکاری نتائج کے مطابق ن لیگ کے بلال بدر چوہدری سب سے زیادہ 93 ہزار9 ووٹ حاصل کرنے میں کامیاب رہے ، بلال بدر چوہدری وزیرمملکت طلال چوہدری کےبھائی ہیں۔
صوبائی اسمبلی کے حلقوں کے مکمل نتائج
پی پی87 میانوالی
پنجاب اسمبلی کے حلقہ پی پی 87 میانوالی کے تمام 193 پولنگ اسٹیشنز کے نتائج جاری ہوگئے۔ پنجاب اسمبلی میں سابق قائد حزب اختلاف ملک احمد خان بھچر کی نشست پر مسلم لیگ ن کے امیدوار علی حیدر نور خان نیازی 67 ہزار 986 ووٹ لے کر کامیاب ہوگئے جبکہ آزاد امیدوار محمد ایاز خان نیازی 3ہزار 310 ووٹ لیکر دوسرے نمبر پر رہے۔
پی پی 98 فیصل آباد
پنجاب اسمبلی کے حلقہ پی پی 98 فیصل آباد 1 میں ن لیگ کے آزاد علی تبسم نے 44 ہزار 388 ووٹوں کے ساتھ کامیابی سمیٹ لی جبکہ ان کے مخالف آزاد امیدوار محمد اجمل 35 ہزار 245 ووٹ لیکر دوسرے نمبر پر رہے۔
پی پی 115 فیصل آباد
پنجاب اسمبلی کے حلقہ پی پی 115 فیصل آباد 18 کے غیر حتمی غیر سرکاری نتائج کے مطابق ن لیگ کے محمد طاہر پرویز کو 49 ہزار 49 ووٹ ملے جبکہ آزاد امیدوار محمد اصغر صرف 18 ہزار 98 ووٹ ہی حاصل کرسکے۔
پی پی 116 فیصل آباد
پنجاب اسمبلی کے حلقہ پی پی 116 فیصل آباد 19 کے تمام 190 پولنگ اسٹیشنز کے نتائج بھی سامنے آگئے جس کے مطابق ن لیگ کے احمد شہریار 48 ہزار 824ووٹ لے کر کامیاب قرار پائے جبکہ آزاد امیدوار ملک اصغر علی قیصر 11 ہزار 429 ووٹ لیکر دوسرے نمبر پر رہے۔
اس حلقے سے جیتنے والے لیگی امیدوار احمد شہریار وزیراعظم کے مشیر رانا ثناء اللہ کے داماد ہیں اور یہ نشست پی ٹی آئی کے اسماعیل سیلا کی نااہلی سے خالی ہوئی تھی۔
پی پی 203 ساہیوال
پنجاب اسمبلی کے حلقہ پی پی 203 ساہیوال 6 کے تمام 185 پولنگ اسٹیشنز کے غیر حتمی غیر سرکاری نتائج کے مطابق مسلم ليگ ن کے محمد حنیف 46 ہزار 900 ووٹ لے کر کامیاب ہوگئے جبکہ آزاد امیدوار فلک شیر 10 ہزار 895 ووٹ لےکر دوسرے نمبر پر رہے۔
پی پی 73 سرگودھا
سرگودھا کے صوبائی حلقے پی پی 73 سے ن لیگ کےسلطان علی رانجھا 71 ہزار 770 ووٹ لے کر کامیاب ہوگئے جبکہ آزاد امیدوار مہر محسن رضا 12 ہزار 970 ووٹ لیکر دوسرے نمبر پر رہے۔
پی پی 269 مظفر گڑھ
پنجاب اسمبلی کے حلقہ پی پی 269 مظفر گڑھ 2 میں ن لیگ کو ناکامی کا سامنا کرنا پڑا۔ اس حلقے کے تمام 156 پولنگ اسٹیشنز کے غیر حتمی غیر سرکاری نتائج کے مطابق پیپلز پارٹی کےمیاں علمدار عباس قریشی 55 ہزار 611 ووٹ حاصل کرکے جیت گئے۔
0 تبصرے