انہوں نے بتایا کہ جنگ بندی کے اعلان کے باوجود غزہ میں اسرائیلی حملے جاری ہیں اور 300 سے زائد فلسطینی شہید ہوچکے ہیں۔
ان کے مطابق غزہ میں گھروں کی تباہی کا سلسلہ بھی بدستور جاری ہے اور شہری شدید خوف اور عدم تحفظ کی حالت میں زندگی گزار رہے ہیں۔
عاصم افتخار نے اسرائیلی حملوں کی سخت مذمت کرتے ہوئے صیہونی فوج کے فوری انخلا کا مطالبہ کیا۔
انہوں نے زور دیا کہ غزہ میں پائیدار امن کے لیے جنگ بندی کی مکمل پاسداری اور سلامتی کونسل کی قرارداد 2803 پر فوری اور جامع عمل درآمد ضروری ہے۔
پاکستانی مندوب نے فلسطینی عوام کے تحفظ کے لیے ہنگامی اقدامات کا مطالبہ کرتے ہوئے کہا کہ سلامتی کونسل جنگ بندی پر مؤثر عمل درآمد کو یقینی بنائے۔
انہوں نے انسانی امداد کی بلا تعطل فراہمی کی اہمیت پر زور دیتے ہوئے کہا کہ موسمِ سرما کی شدت کے پیش نظر غزہ کے متاثرہ عوام کو فوری امداد اور تحفظ فراہم کرنا ناگزیر ہے۔
عاصم افتخار نے غزہ کی تعمیرِ نو اور بحالی کے فوری آغاز کی ضرورت اجاگر کی اور واضح کیا کہ کسی بھی قسم کی جبری بے دخلی یا الحاق قابلِ قبول نہیں ہوگا۔
پاکستانی مندوب نے سلامتی کونسل میں بریفنگ کے دوران واضح کیا کہ پاکستان آزاد ریاست کے قیام کی جدوجہد میں فلسطین کے ساتھ کھڑا ہے۔
ان کاکہنا تھاکہ تمام عرب علاقوں سے اسرائیلی قبضےکاخاتمہ ہونا چاہیے اور ایسی فلسطینی ریاست قائم کی جائے جس کا دارالحکومت القدس شریف ہو۔
0 تبصرے