اسلام آباد اور خیبرپختونخوا میں زلزلے کے جھٹکے، شہریوں میں خوف و ہراس

وفاقی دارالحکومت اسلام آباد سمیت خیبرپختونخوا کے مختلف علاقوں میں زلزلے کے جھٹکے محسوس کیے گئے جس سے شہریوں میں خوف و ہراس پھیل گیا۔

کن علاقوں میں زلزلہ محسوس ہوا؟

زلزلے کے جھٹکے خیبرپختونخوا کے مختلف شہروں میں بھی محسوس کیے گئے جن میں:

• چترال

• پشاور

• بونیر

• شانگلہ

• سوات

شامل ہیں۔

زلزلے کی شدت اور مرکز

زلزلہ پیما مرکز کے مطابق زلزلے کی شدت ریکٹر اسکیل پر 5.3 ریکارڈ کی گئی جبکہ اس کی گہرائی 216 کلومیٹر تھی۔

زلزلے کا مرکز کوہ ہندوکش افغانستان کے علاقے میں بتایا گیا ہے۔

شہری گھروں سے باہر نکل آئے

زلزلے کے جھٹکے محسوس ہوتے ہی لوگوں میں خوف و ہراس پھیل گیا اور شہری کلمہ طیبہ کا ورد کرتے ہوئے گھروں سے باہر نکل آئے۔

ابتدائی اطلاعات کے مطابق کسی جانی یا مالی نقصان کی اطلاع موصول نہیں ہوئی۔