راشد منہاس (نشانِ حیدر) کی 54 ویں برسی کے موقع پر وزیراعظم شہباز شریف نے اپنے پیغام میں کہا کہ وہ قوم کے ایسے بہادر سپوت تھے جنہوں نے اپنی جان کا نذرانہ دے کر وفاداری، جرأت، قربانی اور قومی غیرت کی جو مثال قائم کی، وہ ہمیشہ پاکستان کی تاریخ میں فخر اور حوصلے کی عظیم علامت کے طور…
وزیراعظم نے کہا کہ راشد منہاس شہید کی 54 ویں برسی پر ان کو تہہ دل سے خراج تحسین پیش کرتے ہیں۔
ان کی عظیم قربانی ہمت اور فرض سے لگن کی اعلیٰ روایات کی مظہر ہے۔
انہوں نے کہا کہ 1971 میں آج کے دن پائلٹ آفیسر راشد منہاس نے غیر معمولی عزم کا مظاہرہ کرتے ہوئے پاکستان کی خودمختاری کے تحفظ کے لیے جام شہادت نوش کیا۔
ان کا لاجواب جذبہ، وفاداری اور حب الوطنی مسلح افواج اور قوم کے لیے ایک لازوال ترغیب کا باعث ہے۔
ان کی بہادری کی داستان، ہمارے قومی ضمیر کو آزادی کی قیمت اور مادر وطن کے دفاع کے لیے درکار حوصلے کی لازوال یاد دہانی ہے۔
وزیر اعظم شہباز شریف نے کہا کہ پائلٹ راشد منہاس شہید کا نام قوم کی تاریخ میں ہمیشہ وفاداری، حوصلے اور فخر کی علامت کے طور پر محفوظ رہے گا۔
0 تعليقات